கட்டியணைத்து...முத்தமிட்டு...

கட்டியணைத்து

முத்தமிட்டு

கொஞ்சி விளையாடிய

தவழும் குழந்தை

எட்டி உதைத்து

மறந்துவிடுகிறது இந்த பூமியை...

நடக்க தெரிந்ததும்...

முன்னோக்கி நடந்தான் மனிதன்...

சற்றே வழுக்கியது இந்த பூமிக்கு...

குப்பைதொட்டி இல்லா தெரு இல்லை..

குப்பை உள்ள தொட்டியும் இல்லை...

தூசுவால் உருவான பூமி...

இன்று

மாசுவால் மயானமாகிறது...

மட்கா குப்பை(பாலீத்தின்) மண்ணையும்,

மட்கும் குப்பை(பணம்) மனதையும்

பாழ்படுத்தும் பண்பாட்டில் பயணிக்கின்றோம்...

சுற்றம் மட்டுமல்ல

சுற்றுச்சூழலும் தூரம் சென்றுவிட்டது

உலகை சுருக்கிய இந்த தொழில்நுட்ப யுகத்தில்...

பச்சை பட்டு உடுத்திய

இந்த பூமி

கற்பழிக்கபட்டு கொண்டே இருக்கிறது...

அதைக் கண்டு கண்ணீர் சிந்த

அந்த வானுக்கும் வற்றிவிட்டது...

கொஞ்சம் கொஞ்சமாக

இயற்க்கை எய்து கொண்டிருக்கிறது... இயற்க்கை

அதை காப்பாற்றுவது நம் கையில்...

Foolஏப்ரல்.1 முட்டாள்கள் தினம்(Fools Day) கொண்டாடுவதற்க்கு பல காரணங்கள் கூறப்படுகின்றன்.

இருந்தாலும் இன்று படிமநிலை எரிபொருள் தினம் (Fossil Fuels Day).

தோண்டி தோண்டி எடுக்கப்படும் நிலக்கரி, பெட்ரோலியம் என்றோ ஒரு நாள் கிடைக்காமல் நம்மளை முட்டாளாக்க போகிறது. அதற்க்காக கூட இந்த முட்டாள் தினம் கொண்டாடபடலாம்..

2000மெகாவாட் உற்பத்தி செய்யகூடிய ஒரு அனல் மின் நிலையம் ஒரு நாளைக்கு 20000டன் நிலக்கரியை எரிக்க வேண்டியுள்ளது. இந்த அளவுக்கு நிலக்கரியை எரிப்பதால் வெளிப்படும் சல்பர்-டை-ஆக்ஸைடும், நைட்ரஸ் ஆக்ஸைடும் எவ்வளவு  என்று கணக்கிட்டு சொல்ல வேண்டிய அவசியம் இல்லை. எரிப்பதால் மட்டும் அல்ல. நிலக்கரியை வெடியெடுக்கும் போதும், எரிந்த பின் சாம்பலை வெளியேற்றும் போதும் கூட பெருமளவு மாசுபடுகிறது.

அனுமின்சாரத்தை விட அனல்மின்சாரம் பாதுகாப்பானது. குறைவான மாசுபாடு தான் உடையது என்றாலும் இன்னும் சில வருடங்களுக்கு மட்டுமே போதுமான இருப்பு இருப்பதால் அதனை குறைவாக உபயோகபடுத்தலே நலம்.

நம் கையில் என்ன இருக்கிறது??

நிலக்கரியில் இருந்து முக்கியமாக பெறப்படுவது மின்சாரம்.

மின்சாரத்தை சிக்கனமாக பயன்படுத்தலின் மூலம் பர்ஸில் பணத்தையும், பூமியில் நிலக்கரியையும் சேமிக்கலாம்..

சன்னலை அடைத்து ஏசி காற்றில் இருப்பதை விட சன்னலை திறந்து ஓசி காற்றில் தென்றலுடன் கைகோர்த்து கவிதை கிறுக்கலாம்.

யார் மேலோ உள்ள கோபத்தை காட்ட நல்ல வாய்ப்பாக நம் துணியை அடித்து, கசக்கி, பிழிந்து துவைக்கலாம்.. , வாஷிங்க்மெஷின் இல்லாமலே..

களிமண்ணால் செய்யப்பட்ட பல பொம்மைகள் வைத்து கொலு கொண்டாடுவதை போல, ஒரு மட்பானை வாங்கி வைத்து குலு குலு என கொண்டாடலாம்....

மின்விளக்கு, மின்விசிறி போன்றவற்றை சொந்தக்காரர்கள் போல் வைத்திருக்க வேண்டும்.. தேவைப்படும் போது வைத்துக் கொண்டு தேவை இல்லாதபோது அணைத்து வைக்கலாம்...

மொத்ததுல பழைய கற்காலத்துக்கு போகனும்... அப்படித்தன சொல்ல வர...

அப்படினு கேட்க தன இந்த மானிட்டர் பக்கம் கோபமா வரிங்க...

எதையும் உபயோகப்படுத்த வேண்டாம் என்பது என் கருத்து அல்ல...

தேவைப்படும்போது மட்டும் பயன்படுத்துங்கள் என்பதே உங்கள் பாதம் தொட்ட என் அன்பான வேண்டுகோள்.....

பார்க்காதே... பார்க்காதே...

பார்க்காதே... பார்க்காதே

ஐயையோ பார்க்காத...

நீ பார்த்தா பறக்குரேன்... பாத மறக்குறேன்...

பேச்ச குறைக்கிறேன் சட்டென்னு தான்....
இந்த ஒரு பார்வையால தானே பாழாகுறேன்..

பார்வையால பாழாகுறது இருக்கட்டும்... பார்க்கும் போது எப்படி நம் கண்களுக்கு வண்ணங்கள் தெரிகிறது?

ஒரு பொருள் இயற்க்கையாக எப்படி வண்ணம் பெறுகிறது?

உண்மையில் வண்ணங்கள் என்று எதுவும் உண்டா?

பதிலுக்காக கொஞ்சம் அலைவோமா.....

சூரியனின் மையப்பகுதியில் தொடர்ந்து ஹைட்ரஜன் அணுக்கள் இணைந்து ஹீலியம் அணுக்களை உருவாக்குகின்றன. இவ்வாறு நடைபெறும் அணுக்கரு இணைவு நிகழ்வின் போது மிக அதிகமான ஆற்றல் வெப்பமாக வெளியிடப்படுகிறது. இரு அணுக்கள் இணையும் போது உருவாகும் மூன்றாவது அணுவின் எடை முதல் இரு அணுக்களின் எடைகளின் கூடுதலாக இருக்காது. உதாரணமாக ஒரு ஹீலியம் அணுவின் எடை 1கிராம் என்றால் உருவாகும் ஹைட்ரஜனின் எடை 2கிராமுக்கு குறைவாக இருக்கும். இதில் ஏற்படும் எடை இழப்பு ஐன்ஸ்டினின் E=mc² என்ற சமன்பாட்டின் படி ஆற்றலாக மாற்றப்படும். தோராயமாக 0.3% எடையிழப்பு ஏற்படுவதாக அறியப்படுகிறது.

அது சரி.... எப்படி இரண்டு ஹைட்ரஜன் அணுக்களை இணைக்க முடியும்?

இரு அணுக்களை பிணைக்கும் விசை(Driving Force) எங்கிருந்து கிடைக்கிறது?அதுவும் முழுதும் நேர்மின் அணு.(எலக்ட்ரான் இருப்பதில்லை) இரு நேர்மின் அணுக்களுக்கு இடையே உள்ள விலக்குவிசை மீறி பிணைக்கும் விசை யாது?

சூரியன் மையப்பகுதியில் மட்டுமே அணுக்கரு இணைவு நடைபெறும். மையப்பகுதியில் ஈர்ப்புவிசை அதிகம் என்பதால் நேர்மின் அணுக்களை இணைக்கும் விசை தாராளமாக கிடைக்கிறது.

1) முதலில் இரு புரோட்டானகள் இணைந்து ஒரு டியூட்ரியம் அணு உண்டாகிறது.

2) அந்த டியூட்ரியம் அணு ஒரு புரோட்டான் அணுவுடன் இணைந்து ஹீலியம்-3(ஐசோடோப்பு) மற்றும் காமா கதிர்களை வெளியிடுகிறது.

3) பின் இரு ஹீலியம்-3 அணுக்கள் இணைந்து ஹீலியம்-4 அணு உருவாகிறது.

உண்மையில் ஹைட்ரஜன் அணுக்கள் மட்டும் இணைவதில்லை. சூரியனில் 85% ஆற்றல் இவ்வகையில் தான் உருவாகிறது.

மீதமுள்ள 15% ஆற்றல் கீழ்க்கண்ட வினையின் மூலம் கிடைக்கிறது.

1) ஒரு ஹீலியம்-3 அணுவும், ஒரு ஹீலியம்-4 அணுவும் இணைந்து பெரிலியம்-7 அணு உண்டாகிறது.

2) ஒரு பெரிலியம்-7 அணு எலக்ட்ரானுடன் இணைந்து லித்தியம்-7 அணு உருவாகிறது.

3) லித்தியம்-7 புரோட்டானுடன் இணைந்து இரு ஹீலியம்-4 அணு உருவாகிறது.

இவ்வாறு வெளிப்படும் வெப்ப ஆற்றல் மின் காந்த அலைகளாக அண்டத்தில் பரவுகிறது.

சூரியன் வெளியிடும் இந்த மின்காந்த அலைவரிசையில் மூன்று அடுக்குகள் உள்ளன. ஒரு அடுக்கில் புலனாகும் அலைகற்றை இருக்கும். இதில் ஏழு நிறங்கள் உள்ளன(அதாவது அலைநீளம் 390nm முதல் 700nm வரை). இந்த அடுக்கிற்கு முன்னால் குறைந்த அலைநீளம் கொண்ட  ரேடியோ அலைகள், மைக்ரோ அலைகள், அகச்சிவப்பு அலைகள் உள்ளன. பின்னால் புறஊதா கதிர்கள், காமா கதிர்கள், எக்ஸ்ரே கதிர்கள் உள்ளன. ஆனால் 50% புலனாகும் அலைகற்றையும், 40% ரேடியோ அலைகற்றையும், வெறும் 10% புறஊதாகதிர்களும் அடங்கியுள்ளன(தப்பிச்சோம்)...

அலையும், வண்ணமும்:

ரொம்ப அலைஞ்சிட்டிங்களா.... கொஞ்சம் கலர்புல்லா பார்ப்போமா??

அலைநீளம் 390nm முதல் 700nm வரை உள்ள மின்காந்த அலைகள் பூமியை அடைந்து ஏதேனும் ஒரு பொருளின் மீது படும்பொழுது, எல்லா அலைநீள கதிர்களையும் உட்கவர்ந்து(Adsorb) ஏதேனும் ஒரு அலைநீள கதிரை மட்டும் எதிரொளிக்கிறது(Reflect).

இதனால் அப்பொருள் எதிரொளிக்கப்பட்ட அலைநீளத்தின் வண்ணத்தில் தெரிகிறது. எல்லா அலைநீளத்தையும் எதிரொளிக்கும் பொருள் வெள்ளை நிறத்திலும், எல்லா அலைநீளத்தையும் உட்கவரும் பொருள் கருமை நிறத்திலும் காட்சியளிக்கும். ஆக இயற்க்கையில் எல்லா பொருட்களும் கருப்பே(வண்ணமற்றவை)..ஆப்பிள் உண்மையில் சிவப்பு அல்ல... மரங்கள் உண்மயில் பச்சை அல்ல.. நம் ஹீரோயின்கள் உண்மையில் இவ்வளவு நிறம் அல்ல..... ‘எல்லாம் மாயையே’

 

சூரியன், பொருளிலிருந்து அடுத்ததாக கண்களுக்கு பயணத்தை தொடருவோம்.. எப்படி இந்த கால் இஞ்ச் கண்கள் கலர்புல்லாக காண உதவுகிறது???

கண்கள்:

பல மில்லியன் குச்சி செல்கள், கூம்பு செல்கள் நிறைந்தது நம் கண்கள்.

ஏற்கனவே ஒரு பொருள் ஒரு அலைநீளத்தை மட்டும் தான் எதிரொளிக்கும் என பார்த்தோம் அல்லவா.. அந்த அலைநீள ஒளி மட்டும் நம் கண்ணின் விளித்திரையை அடையும்.

குச்சி, கூம்பு செலகளில்  S, M, L  என பல வகைகள் உள்ளன.  மஞ்சள் அல்லது பச்சை நிற ஒளி விழுன் பொழுது L, M வகை கூம்பு செலகள் அதிகமாகவும், S கூம்பு செல்கள் மிக் குறைவாகவும் தூண்டப்படுகிறது,

சிகப்பு நிற ஒளி L வகை கூம்பு செல்களை அதிகமாகவும், M, sS வகை கூம்பு செல்களை குறைவாகவும் தூண்டுகிறது. 

அனைத்து கூம்பு, குச்சி செல்களும் புரதம்(ஸ்காட்டாப்சின்) மற்றும் வைட்டமின்-ஏ னால் ஆனது. ஒளியானது இந்த செல்களில் விழும்பொழுது வேதிவினை நடைபெறுகிறது(ஏனென்றால் ஒளி தன்னுள் ஆற்றலை கொண்டுள்ளது. அந்த ஆற்றலால் வேதிவினை நடைபெறுகிறது).

வேதிவினையில் உருவாகும் மெடரோடாப்சின்-2 மின்காந்த தூண்டலை ஏற்படுத்துகிறது(ஆக்ஸிஜன் ஒடுக்க வினையினால்). இது பார்வை நரம்பின் மூலம் மூளைக்கு கடத்தப்படுகிறது. இந்த பார்வை நரம்பு மூளையின் பின்புறம் ஆக்ஸிபட்டல் என்ற பகுதியில் இணைக்கப்பட்டிருக்கும். 

கண், காது, மூக்கு, தோல் என அனைத்து உணர் உறுப்புகள் மூலம் பெறப்படும் செய்திகள் மூளைக்கு மின்காந்த தூண்டலாகவே அனுப்பபடுகிறது. மூளை இதை எப்படி உணருகிறது???

அடுத்த பகுதியில்.....

சந்திரனை தொட்டது யார்

சாய்ந்து சாய்ந்து தான்

பார்த்துக் கொண்டிருக்கிறது

அந்த நிலவை...

#இந்த பூமி...

(23.5டிகிரியில்)

பூமியின் நிழலில்

ஒளிந்து கொண்டே

வெட்கத்துடன் எட்டிப்பார்க்கிறது

பூமியை....

#அரைநிலா...

கவிதை என்ற பெயரில் கிறுக்கி கொண்டிருக்கும் நான் முதல்

உண்மையாகவே கவிதை எழுதிக் கொண்டிருக்கும் கவிஞர்கள் முதல்

நிலாவை தொடாதவர்கள் யாவரும் இலர்.

ஆனால் உண்மையாகவே நிலாவை முதன்முதலில் தொட்டவர் நீல் ஆம்ஸ்ட்ராங்க்.

(கடுப்பாகாதிங்க.. ப்ளீஸ், இனிமே தான் படமே ஆரம்பிக்கவிருக்கிறது)

1961

அமெரிக்கா வெள்ளை மாளிகை.

(ஒரு தடவ கண்ணை மூடி, திறந்திங்கனா வெள்ளை மாளிகை முன்னாடி நிற்பிங்க. தேவயாணி மாதிரி விசா வாங்க தேவையில்லை.)

கென்னடி(அதிபர்): நிலவிற்கு முதன்முதலில் ஒரு நாடு மனிதனை அனுப்பும் என்றால் அது அமெரிக்காவாகத் தான் இருக்கும்.

ஏதோ சொல்லியாச்சி... ஏதாவது செய்யணுமே...

ஒட்டுமொத்த அமெரிக்க மானமும் அவர் கூறிய இந்த வார்த்தையில் அடகு வைக்கபட்டுவிட்டது.. யாராவது (விண்வெளி) கப்பல் ஏறி சென்றால் தான் அந்த மானம் திரும்ப வரும்.

மானத்தை பின் தள்ளி மனதில் பயம் முண்னணி வகித்தது.

‘தென்னை மரம் அளவிற்கு புதைமணல் இருக்குமாமே’

‘பயங்கர புதை குழிகள் இருக்குமாமே’

‘இறங்க இடமில்லாமல் வெறும் கூரமையான பாறைகள்’

என ஏகப்பட்ட வதந்திகள் அங்கும் வாக்கிங்க் போயிக் கொண்டிருந்தன..

ஆனால் மானத்தை காப்பாற்றியே ஆகணும்... அண்ணன் அமெரிக்காவுக்கு.

1966

ரஷ்யா

லூனா-9 என்ற ஆளில்லா விண்கலத்தை வெற்றிகரமாக நிலாவிற்கு அனுப்பியது.

ஆளில்லா விண்கலம் அழகாக நிலவை படம் பிடித்து ரேடியோ சிக்னல்களாக பூமிக்கு அனுப்பியது.

வெட்கமில்லா அமெரிக்கா அழகாக அதை திருடியது இங்கிலாந்து உதவியுடன்.

ஒரு வழியாக பயத்தை பின்னுக்கு தள்ளி மானம் வென்றது.

திருடிய அந்த படத்தின் உதவியால் அந்த வதந்திகள் அனைத்தும் பொய் என தெளிந்தது அமெரிக்கா. துணிச்சலாக களத்தில் இறங்கியது.

1967 அக்டோபர்,11

மீண்டும் அமெரிக்கா

அப்பலோ-1 என்ற விண்கலம் நிலவை நோக்கி செல்ல தயாராக இருந்தது. ஒரு சிறிய மின்சார கோளாறு. கிளம்பும் சற்று நேரத்திற்கு முன்பு வெடித்து சிதறியது.

விர்ஜில் கிம்சம், எட்வர்ட் வோய்ட், ரோஜர் ஸாஃப் என்ற மூன்று அப்பாவி வீரர்கள் இறந்தார்கள். ஆம், அவர்கள் நிலவில் முதன் முதலில் காலடி வைப்பதாக இருந்தவர்கள். ஆனால் அவர்கள் பயணம் தொடங்காமலே முடிந்தது.

1969 ஜூலை16

அதே அமெரிக்கா

அப்பலோ-11, நீல் ஆம்ஸ்ட்ராங்க், ஆல்ட்ரின், மைக்கேல் காலின்ஸ் விண்வெளிகப்பலில் கிளம்பினர். அதில் ஈகிள் என்ற விண்வெளி வாகனமும் இருந்தது. நான்கு நாள் நீண்ட பயணத்திற்கு பிறகு niniநிலவு வந்தது.(ஆமா, மூணு நாள் நைட்டும் வந்துருக்கும்ல) காலின்ஸ் டிரைவர் போல. ஆம்ஸ்ட்ராங்க், ஆல்ட்ரின் இருவரையும் ஈகிள் வாகனத்தின் மூலம் இறக்கிவிட்டு விண்வெளிகப்பலில் நிலாவை(அந்த நிலாவைத்தாங்க) சுற்ற கிளம்புவிட்டார். ஆம்ஸ்ட்ராங்க், ஆல்ட்ரின் இருவரும் ஈகிள் மூலம் இறங்கினர். சுமார் 2 மணிநேரம் 31 நிமிடம் நிலவில் ஆராய்ச்சியில் ஈடுபட்டனர். நிலவில் ஆம்ஸ்ட்ராங்க்  தன்னை ஒரு புகைபடம் கூட எடுக்கவில்லை. நாம் பார்ப்பது எல்லாம் ஆல்ட்ரின்  புகைபடம் தான். பின் காலின்ஸ்காக காத்திருந்தனர். காலின்ஸ் வந்ததும் அந்த கப்பலில் ஏறி அமெரிக்காவின் மானத்தை காப்பாற்றினர்.

சுபம்....